recent
أخبار ساخنة

دورة انشاء مدونة بلوجر 2021 من الصفر

دورة انشاء مدونة بلوجر 2021 من الصفر

لو انت لسة مبتدا في المواقع وعاوز تعمل موقع ليه كمبتدا فعلي طول بتتوجه لمنصة بلوجر وتعمل موقع او ما يسما مدونة شخصية في مدونتا اكاديمية المصطفي هنعمل كورس عن بلوجر بالتفصيل الممل هتعرف يعني ايه دومين وايه هوة القالب وازاي انك تكسب من المدونة او الموقع اللي هتنشأة كل دة هيبقي موجود في الكورس باذن الله
طب الكورس هيكون بفلوس لا طبعا كل الكورسات هتكون مجانية في قناتي تقدر تشوفها من هنا

طب ايه هوة محتوي الكورس وكام عدد الحلقات ؟

محتوي الكورس هيكون كالاتي وعدد الفيديوهات بالترتيب

محتوي الكورس اولا كدة هيكون :

  • اول شئ هيتم شرح مقدمة عن الكورس
  • انشاء المدونة وشرح لوحة التحكم في بلوجر
  • شراء دومين مدفوع وتركيبة في المدونة
  • شراء دومين مجاني وتركيبة في المدونة وهنشوف الفرق بين الدومين المجاني والمدفوع
  • هشرحلك افضل القوالب وهيكون 4 قوالب وايه الفرق بينهم وهل انت هتحتاج لغة برمجة علشان تكون فاهم او لا ؟
  • هشرحلك اساسيات في القوالب انك برضة لو محتاج انك تعدل علي حاجة 
  • هقلك ازاي انك تكتب مقال مهتم بمعايير السيو وارشفة جوجل وايه هوة السيو
  • هيتم شرح اساسيات السيو فقط في الكورس
  • هقلك ازاي تعمل خريطة sitemap وانك تضيف ملف robot txt وتضيف المدونة في search console
  • وكمان هفهمك ايه فايدة صفحات اتصل بنا وسياسة الخصوصية ومن نحن 
  • وفي اخر الكورس هشرحلك انك تقدم في ادسنس او الشركات الاعلانية البديلة لادسنس وايه هوة ادسنس ومصدر ربح المدونة نفسة
  • وفي اخر فيديو هيكون عن معاينة للموقع ونشوف لو في مشكلة في مدونتا وبس كدة
وبكدة دة هيكون محتوي الكورس 
عدد الفيديوهات واسامي الفيديوهات المسجلة حاليا ؟
عدد الفيديوهات في الكورس هتكون حوالي 16 فيديو لحد الان
اسامي الفيديوهات المسجلة حاليا كالاتي :

  1. الفيديو الاول يعتبر مقدمة عن الكورس في القناة بتشوفة او بتشوف المقال
  2. انشاء المدونة وشرح لوحة التحكم في بلوجر
  3. شراء دومين مدفوع وتركيبة للمدونة
  4. شراء دومين مجاني وتركيبة للمدونة والفرق بين الدومين المجاني والمدفوع ؟

دول حاليا الفيديوهات المتسجلة وهيتم نزول الكورس كل يوم بنسبة فيديوهين في اليوم

هشرحلك برضة 4 قوالب ب4 اشكال يعتبر هيكون فيديو مقدمة عن القوالب ومعاينة ليه و4 فيديوهات كل فيديو شرح للقالب الواحد شرح مخصص

طب ايه هيا القوالب اللي هيتم شرحها ( دي بقي حاجة سرية لما ننزلها في القناة يبقي افضل )

لو في برضة مشكلة  في الفيديو اني اكون اتلغبطت في حاجة بيتم تنزيل ملاحظات في المقال هنا جنب كل فيديو 

في حاجة برضة هيتم عملها في الكورس هيكون متقسم زي مثلا تقسيمة بداية الكورس - جزء الدومين - جزء القوالب - جزء المقالات - جزء الارشفة وهكذا

وبس كدة  لو في حاجة بتقدر تكلمني علي البروفايل او علي الصفحة

مقدمة الكورس وشرح لوحة بلوجر

الحلقة الاولي : مقدمة كورس انشاء مدونة بلوجر 2021 من الصفر


الحلقة التانية : انشاء المدونة وشرح لوحة التحكم في بلوجر


الملحوظات** كنت قاصد في الفيديو ان وصف البحث في (العلامات الوصفية) ليه الاولوية من الوصف في الاعدادات الاساسية لما تقدم المدونة في search console قريب في الفيديوهات هشرحها بالتفصيل برضة


شرح الدومينات والفرق بين الدومين المدفوع والمجاني

الحلقة الثالثة :شراء دومين مدفوع وتركيبة للمدونة Godaddy - Neamcheap


الملحوظات** اول شئ انا مشترتش دومينات لاني مش محتاج دومينات وفي معايا 4 دومينات كمان فمش محتاج اني اشتري انا شرحت فقط ازاي تشتري والخطوات اللي هتعملها
تاني حاجة اهم حاجة عندك انك وانت بتشتري تحط رقمك الحقيقي متحطش رقم فيك لان في تحققات لو فتحت الحساب علي جهاز غير جهاز او vpn هيطلب منك تحقيق برمز علي الجيميل او علي رقم التليفون اللي انت حاطة 
ثالث حاجة انه الافضل في الشراء الدومين انا عن نفسي بفضل نيم شيب وليس جودادي انا عندي 4 دومينات يعتبر مش بستخدمهم كتير غير في شرح او عمل اختبار علي حاجة فقط اما  الدومينات المهمة بنقلها في نيم شيب زي دومين المدونة
رابع اول ما بتشتري الدومين بيجيلك رسالة بتفعل منها الدومين او الرسالة مش بتوصل مثلا بتصبر مدة 5 : 10 دقايق هتلاقيها وصلتك بتدوس علي التفعيل وبتكتب حسابك بتلاقي الدومين اتفعل او بتقعد مدة في حدود 5 دقايق وبتلاقي الدومين متفعل 
خامس حاجة ازاي تلاقي الدومين اتفعل هتروح عندك في اعدادات الدومين ثم DNS MANGE لو متاح ليك التعديل يبقي كدة الدومين اتقفل
سادس حاجة في جودادي في كوبونات خصم بتخلي الدومين ل1$ في طريقة عندي في المدونة تقدر تجربها بس متستخدمش الكوبون كتير علي ip واحد علشان ميتقفلش الدومين شوف الطريقة من هنا
سابع حاجة اهم حاجة اول ما تركب الدومين تفعل اعدادات HTTPS بتقعد مدة ربع ساعه في الربط بس دي اهم حاجة 


دي صورة من رسالة التفعيل في جودادي - Godaddy بدوس علي Verify Your Info Now


ودي صورة من رسالة تفعيل في نيم شيب - Namecheap

دة كوبون خصم 20% في نيم شيب زي ما قلت في الفيديو COUPONFCNC
دة فيديو الاداة تقدر تشوفه من هنا

الحلقة الرابعة : شراء دومين مجاني من Freenom وتركيبة للمدونة والفرق بين الدومين المجاني والمدفوع ؟


الملحوظات** اولا انا بقترح انك تشتري دومين مدفوع افضل من الدومين المجاني لاسباب كتير هتنفعك قدام لما المدونة تكبر مش دلوقتي خالص من ضمن الاسباب الصب دومين مش بيتقبل في ادسنس ( شركة اعلانية ) ودي اهم حاجة يعتبر علشان دة هيبقي مصدر مكسبك وهتفهم قدام ايه هوة ادسنس - اي حد هيدخل علي الموقع هيلاقي ان دة صب دومين مش دومين فلو انت مقدم خدمة او عامل الموقع لاخبار تعليمية او عن الصفحة او غيرة الزائر لما يشوف  ان الموقع معمول بصب دومين هيعرف ان يعتبر مفيش مصدر او ان المدونة مش مصدر موثوق  -  في مشكلة تانية وان دومينات موقع freenom تقيلة وممكن تتابعها قدام وكدة كدة بعد سنة هتلاقي انك لازم تجدد الدومين 
تاني حاجة في اسباب قدام هيبقي فيها مشاكل في الارشفة مثلا ولو حبيت انك تغير الدومين بعد مدة زي ما تقدم في ادسنس بالدومين المجاني وتغير الدومين هتحتاج انك لازم تتقبل من جديد والارشفة لازم تغيرها من جديد فهيحصل مشاكل فمن الاحسن اشتري دومين مدفوع
دة فيديو بتاع الطريقة الاولي تقدر تشوفة من هنا
ودة موقع Freenom اللي شارح فيه الطريقة التانية تقدر تشوفة من هنا برضة

شروحات القوالب المستخدمة في الكورس

الحلقة الخامسة عرض افضل 4 قوالب لمدونة بلوجر



تقدر تشوف ال4 قوالب من هنا 
https://squeeze-free.blogspot.com/
https://free.seoplus-template.com/
https://naz-free.blogspot.com/
https://magplus-free.blogspot.com/

كود التنظيف

<?xml version="1.0" encoding="UTF-8" ?>
<!DOCTYPE html PUBLIC "-//W3C//DTD XHTML 1.0 Strict//EN" "http://www.w3.org/TR/xhtml1/DTD/xhtml1-strict.dtd">
<html expr:dir='data:blog.languageDirection' xmlns='http://www.w3.org/1999/xhtml' xmlns:b='http://www.google.com/2005/gml/b' xmlns:data='http://www.google.com/2005/gml/data' xmlns:expr='http://www.google.com/2005/gml/expr'>
<head>
<b:skin><![CDATA[/*
-----------------------------------------------
Name : CNMU Cleaning Template
Designer URL  : http://cnmu.blogspot.com
year          : 2015
----------------------------------------------- */
]]></b:skin>
</head>
<body>
<b:section class='main' id='main' showaddelement='yes'>
<b:widget id="Blog1" locked="true" type="Blog" />
</b:section>
</body>
</html>


الحلقة السادسة شرح قالب سكويز المجاني كامل 2021

تقدر تحمل القالب من هنا


الحلقة السادسة شرح قالب سيو بلس المجاني كامل 2021

تقدر تحمل القالب من هنا




google-playkhamsatmostaqltradent